25ig Jöhrli scho
Düen d Schnitzelbänk uff Lieschtel cho
Dr Däscheplätzer scho soo lang
Chli chürzer singt dr Dr Muuserjang
Änte Chreie Papageno
E huffe Vögel Hets scho geh do
Mit Värsli ganz gerissene
Vo Träumer und Verbissene
4410 und au d Landschnächt
Mache ihri Värsli rächt
Mit Gittare mit Örgeler
Wie d Blauderi und Nörgeler
Doch erhrlich gseit e s isch doch so
Dir sit nur wäg Eus Schlümpfli do
D Miss Schweiz die sigi geschter zobe
z lieschtel grad bim Törli obe
dr Chienbäse umzug cho gspühre
si hebt für das dr Chopf wyt füre
die Frau die het so richtig muet
will Stroh doch so schnäll brenne duet
Er pflanzt chli Bäum duet die versetze
duet d Büs dur z schmali Strosse hetze
er weiss nit rächt was er duet welle
meh gits vom Riesen nit z verzelle
Das Camp im Dschungel isch zum Schreye
s Niveau cha nümm wyter gheie
d ischaltquote fufzg Prozänt
s isch primitiv und dekadänt
und gnaugno, s haut eus us de Fuege
duet jede 2. do in, dä schissdräck luege
Kebap-Stand, au mit Dürüm
Köfte, Börek, Lamacüm
das wirds im Stedtli gli nüm geh
Juheeeee
E Huffe Chochshows cha me gseh
Al Dente mit em Epine
Lafer, Melzer si die Beschte
Dr Rach duet s Ässe nochher teschte
es chocht dr Schodel, und au d wehrli
öbwohl die cha nit choche erli
saurezäpt fürs Promi Dinner
bim chochduell gits au nur gwinner
dochs bescht Rezäpt nur ganz licht warm
isch füre Minu, d Wurscht im Darm
Vom Rothuus goht jetzt eusi Stapo
in d Guetsmatte zue dr Kapo
jetzt stellt sich d Frog die brucht chli Muet
wo das s Niveu stiege Duet
D In-itiative mit dä Waffe
duets trotz de Fraue gar nit schaffe
denn Fraue stimme meischntes jo
Worum das chönne mir verstoh
wenn s Gwehr de hei zum Isatz chunnt
isch halt meischde ns d Frau dr Grund