Mir si letscht Summer sisch dr näbe
jede Tag in Sunne gläge
dunkel brun und ganz voll rümpf
hei usgseh wie vier Özi Schlümpf
no chunnt eun duet uf hochdütsch fragen
euch bruche ich gstatten Doktor Hagen
dr Silvio vo Italy
möchti gärn chli jünger sy
er loht sich lifte und lo glätte
nimmt Verjüngerigstablette
gseht us wie 10i jetzt dr Witz
dr Jackson sigi scho ganz spitz
dr Noldi dr Terminator
isch unfassbar Senator
nid ganz hell und dekadänt
und demnegscht dänk no Präsident
ein vo Östrich Amis dänket dra
hei d Schwobe au scho einisch gha
us Seppis Beiz in dr Alee
hets e Alibaba geh
dr Schlüssel sisch für uns ä Gruus
isch ufs mol e Asia-Huus
dr Mühlyse s`isch allerhand
isch e Schilder-Fabrikant
s Neuhüsli isch no immer zue
das het halt mit em Bsitzer z tue
s Szenario isch no ganz glatt
nur isch halt dört dr Odermatt
d Schützenstube het zwar Charme
nur wirdsch döt inne ganz schnell arm
so wie mir euch e bitzli reize
chömmet doch in eusi Beize
Feuer spendet Wärme Licht
doch zum spielen ist es nicht
das Värsli düend dir alli kennä
drum düend dir euch au nid verbrennä
dä spruch isch doch für s ganze Läbä
drum sött me dä em Tschirggi säge
ich bin ein Star holt mich hier raus
die Sändig isch dr reinschti Graus
s isch primitiv blöd nid zum lache
so mischt chön nur die Dütsche mache
bi somne Volk vo dumme Schwobe
isch dr Hakan Yakin guet ufghobe
dr Fröhlich meint er sig dr bescht
drum macht er grad e Füürwehr-Fescht
er meint er heig s wird eim ganz gschmuch
im Baselbiet dr längschti Schluuch
dä sölsch du ha s isch eus egal
dfür chunsch nid in Stadtrootsaal
hän si das ächt au scho gseh
eus Schlümpfli hets fascht öpis geh
es isch so gruusig und drnäbe
s dönt so komisch und duet läbe
s lüpft au die in dr letschte Reihe
sie singe wieder d Näbelchräje