d Schlümpfli mache s zweit mol mit
isch das nit e grosse Hit
dr Oberschnuurri und dr Risser
dr Chlini und dr Düpflischisser
jede isch e rächte Schlumpf
mir vier si Hüttzobe Trumpf
im Basler Zolli s’isch enorm
verchauft dr Direkter e Nase – Horn
druff muess er denn si Amt verlo
wo sell er jetzt nur anego
ins Lieschtler Rothus sett de Maa
dört were siebe Hörner z ha
d Menschheit het kei Niveau meh
das chasch all Tag im Färnseh gse
dr Pirmin glaubt däm Greis in Rom
mir bruche alli kei Kondom
in Dütschland singt eine Katzenklo
do muess jo d Menschheit unter go
und zu all däm Eländ no
isch dr Schilt in Landrot cho
dr Sex-Shop Strübi isch das nit
wills dä nämmlig gar nümm git
und s Rosenegg chas au nit sy
will d’Schlümpfli passe dört nit dry
dir chömmet alli gar nit druss
dasch s Puff im englische Königshus
es Kaffi do es Kaffi dört
s’het Kaffi z Lieschtel das isch gschtört
dr Krattiger de seit vor Gricht
Aebischer du bisch e Wicht
dr Ziegler mischlet heimlich mit
wills vis a vis Eduscho git
dr Mühliese seit depremiert
ich Dubel ha erscht renoviert
dr Lederer de meint ganz baff
s’het z’viel Kaffi in dem Kaff
im Pöschtli Stutz isch alles glich
dä isch jo scho vo Huus uss rych
bi so viel Lämpe ums Kaffi trinke
muess jo s’Wasser a vo stinke
es wer so schön es wer so toll
es wer jo wirklich wundeervoll
es wer dr absoluti Wahn
mir Schlümpfli miechte grad dr Schwan
es wer so super hei mir gseit
wenn s dr Bögg nomol uff d’Schnurre leit
die neuschti Beitz heisst Carpe Diem
die isch modärn und super schön
s het Spiegel do und Marmor dört
s het Gold und Silber das isch gstört
und uf em WC duet e Becki protze
dört chansch wenn d’Wirtin gsesch gho ….